Thane Marathi News | ठाणे मराठी बातम्या | Latest Thane News in Marathi | ठाणे ताज्या बातम्या | Thane Crime Marathi News | ठाणे ब्रेकिंग न्यूज़| Breaking & Live Thane News | Today's Thane News paper

ठाणे/ मुंब्रा : मानलेल्या बहिणीची छेड काढल्याच्या वादातून एका व्यक्तीने तिघांवर गोळ्या झाडल्या. यात एकाचा मृत्यू झाला तर, दोघे जखमी झाले आहेत. ही धक्कादायक घटना मुंब्रा परिसरात गुरुवारी सकाळी ११:३० वाजण्याच्या सुमारास घडली.मुंब्रा येथील कैलासनगर भागातील सुमनताई चव्हाण हिंदी प्राथमिक विद्यालयाजवळील बिस्मिल्ला चाळीत गोळीबाराची घटना घडली. जयन शिवानंदन नायर (५१) याच्या मानलेल्या बहिणीची काही जणांनी छेड काढल्याचा आरोप आहे. यावरून संबंधितांमध्ये आधी वाद झाला होता. हा वाद चिघळल्यानंतर जयनने संतापाच्या भरात तिघांवर गोळीबार केला. त्यात अब्दुल हसन शेख, अकबर अब्दुल शेख आणि समीर अहमद शेख हे तिघे गंभीर जखमी झाले. घटनेनंतर आरोपी घटनास्थळावरून पसार झाला होता. जखमींना तातडीने जवळच्या रुग्णालयात दाखल करण्यात आले. उपचारादरम्यान अकबर अब्दुल शेख यांचा मृत्यू झाला. घटनेनंतर कैलासनगर परिसरात काही काळ तणावाचे वातावरण निर्माण झाले होते.मुंब्रा पोलिसांनी तातडीने तपासाची चक्रे फिरवून जयन यास अटक केली. त्याच्याकडून गुन्ह्यात वापरलेले रिव्हॉल्व्हर जप्त केले. वरिष्ठ पोलिस अधिकाऱ्यांनी घटनास्थळी भेट देऊन परिस्थितीचा आढावा घेतला. मुंब्रा पोलिस तपास करत आहेत.ठाण्यात गोळीबाराच्या घटनांची मालिका गेल्या काही दिवसांत ठाणे आणि मुंब्रा परिसरात गोळीबाराच्या घटनांमध्ये वाढ झाल्याचे दिसून येत आहे. काही दिवसांपूर्वी मुंब्यातील कौसा भागात एका वाहनावर गोळीबार करण्यात आला होता. त्यानंतर पाचपाखाडी परिसरातही भर रस्त्यात गोळीबार झाला होता. गोळीबाराच्या घटनांमुळे नागरिकांमध्ये भीतीचे वातावरण आहे. कायदा-सुव्यवस्थेचा प्रश्न निर्माण झाला आहे.मानलेल्या बहिणीची छेड काढल्याच्या कारणावरून हा गोळीबार झाल्याचे प्राथमिक तपासात समोर आले आहे. आरोपी जयन शिवानंदन नायर यास अटक केली असून, चौकशी सुरू आहे- अनिल शिंदे, वरिष्ठ पोलिस निरीक्षक

Thane (Marathi News)

नाव न घेता उपमुख्यमंत्री एकनाथ शिंदे यांना टोला ...

शनिवारी ठाणे जिल्हाधिकारी कार्यालयावर विविध सामाजिक संघटनांनी निषेध माेर्चा काढून निदर्शने केली. ...

डॉ आंबेडकर यांचा पुतळा स्मशानभूमीत नको, अशी भुमिका अनेकांनी घेऊन आंदोलन सुरू केले होते. ...

Pratap Sarnaik News: मागील १० वर्षांत दिलेल्या सर्व रिक्षा परवान्यांची सखोल तपासणी करण्यात येणार आहे. ...

स्वतःचा बचाव म्हणून मुलीने कर्मचाऱ्याच्या कानाखाली मारल्याचेही समोर ...

मुंब्यातील धक्कादायक घटना ...